معصوم و نیک نام ہیں اللہ کے نبی
حق دارِ احترام ہیں اللہ کے نبی
چھوٹے بڑے تمام ہی پیرو ہیں آپ کے
ہر شخص کے امام ہیں اللہ کے نبی
دشمن بھی دوست بن گئے جب آپ سے ملے
مقبولِ خاص و عام ہیں اللہ کے نبی
اللہ کے کرم سے انھیں رفعتیں ملیں
مافوق ہر مقام ہیں اللہ کے نبی
عش عش کرے جہاں کی بلاغت جو بول دیں
اس درجہ خوش کلام ہیں اللہ کے نبی
اللہ کے پیام سے روشن ہے راہ شادؔ
اور مرسلِ پیام ہیں اللہ کے نبی
آپ کے تبصرے