کاشف شکیل

امت پہ رب کا بے شک احسان ہیں محمد ﷺ

نذیر اظہر کٹیہاری شعروسخن

امت پہ رب کا بے شک احسان ہیں محمد ﷺ

دنیا میں سب سے افضل سلطان ہیں محمدﷺ


دی ہے بہت گواہی دشمن نے بھی یہ کہہ کر

صدق و صفا کا پیکر انسان ہیں محمدﷺ


کیا شان ہے نرالی، قرآن پڑھ کے دیکھو

اخلاق میں سراپا قرآن ہیں محمدﷺ


حرف غلط کی صورت باطل کو بھی مٹایا

توحید کا کُھلا اک اعلان ہیں محمدﷺ


قسمت کا بھی ستارہ کیوں کر بھلا نہ چمکے

ایوبؓ تیرے گھر جب مہمان ہیں محمد ﷺ


سارے نبی ہیں افضل، ہیں رب کے سب دلارے

لیکن سبھوں سے بڑھ کر ذیشان ہیں محمد


کیسےکروں میں اظہر اوصاف کا احاطہ

“ساری ہی خوبیوں کا عنوان ہیں محمد”ﷺ

 

آپ کے تبصرے

3000