بچوں کی ہے پیاری گڑیا
سب کی راج دلاری گڑیا
دیکھ کے جلتی میری سکھیاں
میرے ہاتھ میں پیاری گڑیا
اس کی آنکھیں پھولوں جیسی
اور گلشن سی کیاری گڑیا
میلا تُجھ کو لے جانا ہے
جلدی کر تیاری گڑیا
اللہ پاک کی تم ہو رحمت
تم ہو میری پیاری گڑیا
میرے بابا میرے خاطر
لائے راج کماری گڑیا
چاند ستارے سب ہیں پیارے
لیکن سب پر بھاری گڑیا
رشتے ناطے سارے چھوٹے
اِک تُجھ سے ہے یاری گڑیا
بال سنہرے پیارے پیارے
مجھ کو جان سے پیاری گڑیا
وارث منا میلے میں تم
دیکھو کتنی ساری گڑیا
آپ کے تبصرے