عزت نفس کو کھونے کے لیے کافی ہے

تلخ لہجہ، برا ہونے کے لیے کافی ہے

---

رب کی جانب سے ہلاکت ہی مقدر ہو تو پھر

ایک قطرہ بھی ڈبونے کے لیے کافی ہے

---

آہ کے واسطے خنجر ہی ضروری تو نہیں

یوں تو اک لفظ بھی رونے کے لیے کافی ہے

---

مر بھی جاؤں تو خدا ماں کو سلامت رکھنا

اس کا ہونا میرے ہونے کے لیے کافی ہے

---

ایک آنسو بھی سمندر پہ ہے بھاری یعنی

سب گناہوں کو وہ دھونے کے لیے کافی ہے

---

بوجھ کچھ اور نہ اب ڈال الٰہی مجھ پر

جسم کا بار ہی ڈھونے کے لیے کافی ہے

---

میں ہوں مزدور سو بستر کی نہیں ہے حاجت

آسماں “اوڑھ کے سونے” کے لیے کافی ہے

---

بے وجہ ہی سبھی چائے پے مرے ہیں اسعد

اس سے بہتر یہاں ہونے کے لیے کافی ہے