غزل ہو تم یا غزال جاناں
ہر اک ادا بے مثال جاناں
ردا سے ظاہر ہے بے ردائی
ذرا سا آنچل سنبھال جاناں
یہ روپ تیرا، یہ حسن تیرا
جمال جاناں! کمال جاناں!
میں روز مر مر کے جی رہا ہوں
فراق میں ہے وہ حال جاناں
مری محبت امر رہے گی
کبھی نہ ہوگا زوال جاناں
تمھاری نظر کرم سے ہوگی
مری طبیعت بحال جاناں
میں پھر سے تاریک ہو رہا ہوں
مجھے تو پھر سے اُجال جاناں
غزل میں الفاظ کچھ بھی کہہ لوں
مگر ہے تو ہی خیال جاناں
او میری دھڑکن! تمھارے بن ہے
حیات کاشف محال جاناں
माशाल्लाह भाई बहुत जबरदस्त ग़ज़ल है माशाल्लाह।
سراج عالم زخمی اور کاشف شکیل دونوں کا ہر ایک شعر گوہر نایاب ہوتا ہے… اللہ مزید توفیق عطا فرمائے آمین
Best
Zabardast
ماشاء اللہ
بہت خوب
اللہ تعالیٰ علم و عمل میں مزید ترقی عطا فرمائے
آمین