اداسی قلب میں ہونٹوں پہ خاموشی نہیں ہوتی

سلمان ملک فائز بلرامپوری شعروسخن

اداسی قلب میں ہونٹوں پہ خاموشی نہیں ہوتی

دل آگاہ تجھ سے دل فراموشی نہیں ہوتی


نظر میں منظر عدم شکیبائی نہیں ہوتا

جگر کو گر تمناہائے ہم دوشی نہیں ہوتی


مرا دامن بھی تیرے دامن بے زار سا ہوتا

مجھے اے کاش کوئی فکر آغوشی نہیں ہوتی


ترا انداز خو ہی دلبرانہ ہے وگرنہ پھر

مرے اظہار کو لاحق یہ خاموشی نہیں ہوتی


یہ پاء آشنائے راہ غم مجروح نہ ہوتا

کہ جو اس شوق کو امید بردوشی نہیں ہوتی

آپ کے تبصرے

3000