آنکھوں سے آنسوؤں کی روانی نہ پوچھیے

حمود حسن فضل حق مبارکپوری شعروسخن

اجڑے ہویے دلوں کی کہانی نہ پوچھیے

کس طرح کٹ رہی ہے جوانی نہ پوچھیے


آنکھوں کو دیکھ لیجیے دل تک نہ جاییے

یعنی کتاب پڑھ کے معانی نہ پوچھیے


دل ڈھونڈتے ہیں دل میں ہی رہ کر کسی کے وہ

انداز شوق نقل مکانی نہ پوچھیے


گویا کسی عذاب میں ہو مبتلا یہ دل

فرقت میں حافظے کی گرانی نہ پوچھیے


رہیے شریک غم یہ اجازت تو ہے مگر

چھلکا ہے کیسے آنکھ سے پانی نہ پوچھیے


پیچھے پڑی ہوئی ہے لگاتار زندگی

یہ کس قدر ہے میری دوانی نہ پوچھیے


کل رات بارشوں کے مقابل میں تھا حسن

آنکھوں سے آنسوؤں کی روانی نہ پوچھیے

1
آپ کے تبصرے

3000
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
newest oldest most voted
منا بھیا

واااہ کیا خوب لکھا ہے نہ پوچھئے