بزرگ ہو کر ٹھرک مٹانا کمال ہے نا
بغیر دانتوں کے سیب کھانا کمال ہے نا
یہ عشق و ایثار و صبر و نرمی مری طرف سے
مگر ترا یوں انا دکھانا کمال ہے نا
بنا بلائے ہمارے دل میں تمھارا آنا
بنا کرائے کا یہ ٹھکانا کمال ہے نا
خطاؤں پر یہ ثبات قدمی اور اتنا غصہ
تمھارا انداز عاشقانہ کمال ہے نا
وفا کے وعدے بھلا کے دل توڑنا اچانک
نہ عذر کوئی نہ کچھ بہانہ کمال ہے نا
زباں کی پاکیزگی سے دل کی کثافتوں تک
جناب کا کبرِ زاہدانہ کمال ہے نا
مغل تو تھے مادر وطن کے عظیم ہیرو
مگر انھی کو ولین بنانا کمال ہے نا
مزاج کاشف نہ پوچھ یارا کہ کام اس کا
زباں کو دل سے قریب لانا کمال ہے نا
یہ آپ شاعرانہ کمال کا شاہکار ہے،جھوم جھوم اٹھا۔