ترا وجود مرے واسطے سعادت ہے
جو تیرا ہو نہ سکا میں تو مجھ پہ لعنت ہے
تری نگاہِ محبت مرا علاجِ ملال
مری نمازِ اطاعت کی تو اقامت ہے
قدم کے نیچے ترے رب نے رکھ دی ہے جنت
تجھے تو دیکھنا اسلام میں عبادت ہے
ترے بغیر جو لمحہ گزارتا ہوں کہیں
عذاب ہے مری ماں، سچ کہوں اذیّت ہے
ترا کلام مرا جام، تیرا رخ مصحف
کہ نورِ قلب تو ہی اور تو تلاوت ہے
جہانِ عشق کی آرائشیں ہیں ایک طرف
مرے لیے تری ممتا فقط صداقت ہے
ہیں رب کی رحمتیں کاشف پہ ماں تری صورت
تری دعا سے مری زندگی کی برکت ہے
ماشاءاللہ
ماشاءاللہ
Mashallah kya baat hai. Hakeekat ibadat dono Hain isme Allah aur ilm me izafa kare aameen