ظلمتِ شب جہالت سحر آگہی

شمس الرب خان شعروسخن

ظلمتِ شب جہالت سحر آگہی

خرمنِ جہل خس ہے شرر آگہی


بے ضرر عشرتیں محورِ جاہلاں

جنتِ عاقلاں باضرر آگہی


کٹ گئے بال و پر پھر بھی پروا نہیں

ذوقِ پروازِ انجم مہر آگہی


منجمد جہل ہے مثلِ قطبِ جنوب

مثلِ دریا ہے محوِ سفر آگہی


جہل ارزاں ہے جیسے خزف یا حجر

بیش قیمت زمرد گہر آگہی


کور چشموں کو بخشے ہنر دید کا

دشمنِ انقباضِ نظر آگہی


ساری دنیا کو روشن کرے آن میں

شمسؔ کی کیمیاۓ اثر آگہی


5
آپ کے تبصرے

3000
5 Comment threads
0 Thread replies
0 Followers
 
Most reacted comment
Hottest comment thread
5 Comment authors
newest oldest most voted
Shaukat Parvez

Brilliant poetry

بہت عمدہ!

سعد احمد

واہ!
عطر دان سے جستجو پھوٹ پڑی
وہ وہیں کھڑی تھی اور قسمت اس پر ٹوٹ پڑی

عطا رحمانی

بہت خوب

خبیب حسن

لاجواب بھائ❤️❤️❤️

سحر محمود

کیا بات ہے
وااااہ
بہت خوب