درد بھی بے مزہ نہیں ہوتا
دے اگر وہ گلہ نہیں ہوتا
چوم لوں اُس کو اپنی نظروں سے
مجھ سے یہ بھی گنہ نہیں ہوتا
دور ہوکے بھی پاس رہتا ہے
پیار میں فاصلہ نہیں ہوتا
جو ہمارا ہوا کبھی اک بار
پھر کسی اور کا نہیں ہوتا
مجھ کو بھی اُس سے پیار ہے لیکن
بس زباں سے ادا نہیں ہوتا
نہ ملا میری نظروں سے نظریں
صرف مے سے نشہ نہیں ہوتا
ہوکے ناراض تجھ سے اے ہمدم
پھر کسی سے خفا نہیں ہوتا
بھیجتا ہوں میں روز ہی لیکن
خط پہ اُس کا پتہ نہیں ہوتا
چاند پیاسا ہے گر تجلّی کا
شمسؔ میں کیوں فنا نہیں ہوتا
بہت عمدہ ماشاء اللہ بہت خوب
نہایت ہی عمدہ
دور حاضر کے إقبال آپ ہی ہیں
واه واه
کیا بات ہے ماشاء اللہ
زندہ باد
مومن خان مومن والا کلام لگ رہا ہے
خوبصورت اور بہترین
سلامت رہیں ۔
ہاں مگر عرض ہے کہ ماڈرن زمانے میں اب خط بھیجنے کی روایت معدوم نہیں تو کم ہوتی جارہی ہے ، ڈاک خانوں کو دوسرے کام تفویض کئے جارہے ہیں ایسے میں کچھ نئی تعبیر ایجاد کرنی چاہیے ۔
حوصلہ افزائی کے لیے بہت بہت شکریہ۔۔۔ خط کے تعلق سے عرض ہے کہ جب میں خط ہی لکھتا ہوں تو میں نئی تعبیر کیوں ایجاد کروں؟ 😂 پرانے طرز کا عاشق ہوں، آج بھی یقین رکھتا ہوں کہ کاغذ پر لکھے گئے خط صرف خط نہیں ہوتے، خوشبو کے محلات ہوتے ہیں جن میں خوشبوئے یار بسی ہوتی ہے۔۔۔ کبھی آپ کو محبوب کا خط ملا ہے؟ پتہ ہے خط ملنے پر کیسا محسوس ہوتا ہے؟ سنیے، خط ہاتھ میں آتے ہی ایسا محسوس ہوتا کہ مہندی سے رچی بسی محبوب کی عطر بیز ہتھیلی ہاتھ میں آگئی ہو۔۔۔… Read more »
ماشاء الله
بہت خوبصورت غزل ہے روز بروز پروفیسر کی غزلوں میں نکھار بھی آرہا ہے یہی وجہ کہ لوگ اقبال اور مومن سے بھی تشبیہ دینے لگے مجھے تو اس غزل میں جون ایلیا کی جھلک نظر آرہی ہے بہر کیف اچھی غزل ہے💐💐
دعا ہے کہ پروفیسر اسی طرح اپنے معیاری کلام سے ہم لوگوں کو مستفید کرتے رہیں
جگ جگ جیو پروفیسر
بہت خوب پروفیسر صاحب!
وااہ عمدہ کلام۔۔ مبروک
کچھ لوگوں نے اقبال و مومن کا ہم پلہ کہہ کر ہمارے ہردلعزیز شاعر کا مقام و مرتبہ گھٹانے کی ناروا کوشش کی ہے ہم اس پر اپنا پرزور احتجاج درج کرواتے ہیں ہمارے اس منفرد شاعر کا موازنہ اقبال و مومن سے نہیں بلکہ صرف اور صرف غالب سے ہی ہوسکتا ہے۔۔۔ یہ تو غالب کی خوش قسمتی تھی کہ وہ پہلے پیدا ہوگئے اور ہمارا شاعر کو آنے میں دیر ہوگئی ورنہ ہمارا یہ محبوب شاعر ہی غالب کہلاتا۔۔۔ خیر کوئی بات نہیں دیر آید درست آید
کچھ غزالانِ آگہی ساغر
نغمہ و شاعری کے مجرم ہیں
ماشاء اللہ…. شاندار رواں غزل….
روز بروز نکھار بڑھتا جا رہا ہے غزل میں…
🌷🌷🌷
ما شاء اللہ بہت عمدہ غزل
مزہ آ گیا