تو ہی ابتدا مرے عشق کی تو ہی انتہائے جنوں مری
ترا لفظ لفظ ہے بندگی تو ورق ورق مری زندگی
تو ہی علم ہے تو شعور ہے تو ہی معرفت تو ہی آگہی
تو بصیرتوں کا چراغ ہے تو ہی ذہن و دل کی ہے روشنی
تو سرور ہے تو ہی کیف ہے تو خمار ہے تو ہی سرخوشی
ترا حرف حرف افیم ہے تو ہے ہوش والوں کی بیخودی
تو ہی سنج ہے تو ہی تان ہے تو ہی لے کی جاں تو ہی_زمزمہ
تو ربابِ روحِ بلند ہے تو ہی سازِ عرفاں کی نغمگی
تو مکاں بھی ہے تو ہی لامکاں تونشانِ منزلِ جاوداں
تو ہی نورِ آتشِ شمسؔ ہے تو ہی شوقِ قطرہ کی قلزمی
آپ کے تبصرے