مدتوں سے وہیں پہ بیٹھا ہوں

وہ یہ کہہ کر گیا تھا آتا ہوں

---

اس کے جانے سے کچھ نہیں بگڑا

خود سے کہتا ہوں اور ہنستا ہوں

---

قہقہے چیختے ہیں اتنے کہ

زور سے ہنس کے آہ بھرتا ہوں

---

فائدہ جس سے ہو وہی اپنا

پیار میں بھی میں تاجرانہ ہوں

---

لیلی جاتی ہے شوق سے جائے

میں نہ مجنوں نہ ہی دوانہ ہوں

---

سن کے محفل میں شمع کی باتیں

بولا پروانہ میں بھی جلتا ہوں

---

سوتے پانی میں پھینک کر کنکر

اپنی آنکھوں کو موند لیتا ہوں

---

غم جب آتے ہیں غم زدہ کرنے

دل دِکھا کر انہیں رلاتا ہوں

---

جال جل جائے گا ترا صیاد

شمسؔ ہوں آگ ہوں شرارہ ہوں