لباس و وضع و قطع و خوش مزاجی ، نیک آدابی

ہر اک انداز سے ظاہر تھی ان کی شان نوّابی

---

انھی کے دم سے انگلش میں ہوئی اپنی سند عالی

رہی حاصل انھیں جو ’ناظم اعلی‘کی استادی

---

شرافت، خوش کلامی، خوش لباسی، سادگی ایسی

بڑی مشکل سے ہو سکتی تھی تفریق غم و شادی

---

جو ہم طلبہ نے جا کے ان کا ذاتی ’میوزیم‘دیکھا

عیاں تھا اس سے نوّابی کا ذوق و شوق نایابی

---

کہاں اِس دور میں اب ایسے استادوں کی بستی ہے

جہاں علم و ہنر کے ساتھ ہو، نیکوں کی آبادی

---

کہاں اب ایسے طلبہ، ہوں جو فکر و فن کے شیدائی

ہو ذوق علم و فن جن میں ہو جن میں شوق و بے تابی

---

زمانہ اپنا مصلحؔ لد گیا پر نسلِ آئندہ

الٰہا! دے اصولوں پر اسے جینے کی آزادی